Facebook Ka Password Badalne Ka Tareeqa
Facebook ke account ko mehfooz (secure) rakhne ke liye yeh
bohat zaroori hai keh aap apna Facebook ka password waqtan fawaqtan tabdeel
karte rahein. Agar aap ko lagta hai ke aap ka password kisi ko pata chal gaya
hai ya aap sirf apni security ko behtar karna chahte hain, to password ko
change karna ek acha qadam hai.
Neeche diye gaye tamam steps ko follow kar ke aap apna
Facebook ka password kisi bhi waqt bilkul aasani ke sath tabdeel (change) kar
sakte hian.
Mobile Par Facebook Ka Password Change Karne Ka Tareeqa
Sab se pehle apne mobile mein Facebook ko open karein. Mobile
mein Facebook ko open karne ke baad, screen ke oper right corner mein aap ko 3
lines (☰) nazar
aayen gi. Un lines par tap karein.
In lines par tap karne se ek menu open ho ga. Menu open hone
ke baad, scroll down karein aur aap ko "Settings & Privacy" ka
option nazar aaye ga. Is par tap karein.
"Settings & Privacy" ke option par tap karne ke
baad aap ke saamne ek aur menu open ho ga. Is mein "Settings" ka
option dhoond kar us par tap karein.
"Settings" mein aane ke baad, aap ko yahan bohat se
options dikhai dein gay. Scroll down karein aur "Security" ke section
mein "Password & Security" ka option dhoond kar us par tap
karein.
Ab "Password & Security" ki screen par aap ko
"Login" ke tehat "Change Password" ka option nazar aye ga.
Is par tap karein.
Ab aap ko 3 fields nazar aayen gi:
- Current Password
Yahan aap ne wo password likhna hai jo aap ka mojooda hai.
- New Password
Is field mein aap ne woh naya password enter karna hai jo aap
rakhna chahte hain.
- Re-Type New Password
Is field mein wohi naya password dobara enter karein taakeh
yeh tasdeeq ho jaaye ke aap ne sehi password type kiya hai.
In teeno fields ko sehi tarah se bharne ke baad, screen ke
neechay "Update Password" ka button ho ga. Is button par tap karein.
Facebook ki taraf se aap se yahan yeh sawal poochha ja sakta
hai keh kya aap chahte hain ke woh tamam devices jin par aap ne “Log in” kiya
hua hai, aap un par “Logged in” rahein ya aap un sab par “Logout” karna chahte
hain.
Apni pasand ke mutabiq kisi ek option ko choose kar ke "Continue"
par tap karein. Aap ka Facebook ka password ab badala ja chuka hai.
Facebook Ka Password Computer Par Tabdeel Karne Ka Tareeqa
Apne computer mein Facebook par log in karein. Agar aap pehle
se logged in nahin hain, to apna email address ya phone number aur password
enter kar ke login karein.
Login karne ke baad, screen ke oper right corner mein aap ko ek
chhota sa arrow down (▼) ka nishan
nazar aaye ga. Is nishan par click karein.
Is nishan par click karne se ek menu open ho ga. Menu khulne
ke baad, "Settings & Privacy" ka option dhoond kar us par click
karein.
Jab aap "Settings & Privacy" par click karen
gay to ek aur menu aap ke saamne open ho ga. Is open hone wale menu mein
"Settings" ka option dhoond kar us par click karein.
“Settings" ke page par left side mein aap ko kuch
options nazar aayen gay. Yahan "Security and Login" par click karein.
"Security and Login" ke page par aap ko
"Login" ka section nazar aaye ga. Is section mein "Change Password"
ke saamne "Edit" ka button ho ga. Us button par click karein.
Ab aap ko 3 fields nazar aayen gi:
- Current
Is field mein apna mojooda password enter karein.
- New
Is field mein aap ne woh naya password enter karna hai jo aap
rakhna chahte hain.
- Re-Type New
Is field mein wohi naya password dobara enter karein.
In teeno fields ko sehi tarah se bharne ke baad, "Save
Changes" ke button par click karein.
Yahan Facebook ki taraf se aap se yeh sawal poochha ja sakta
hai ke kya aap chahte hain keh woh tamam devices jin par aap ne “Log in” kiya
hua hai, aap un par “Logged in” rahein ya aap un sab par “Logout” karna chahte
hain.
Apni pasand ke mutabiq kisi ek option ko choose karne ke baad "Continue" par click kar den. Aap ka Facebook ka password ab badala ja chuka hai.