Facebook Mein Naam Tabdeel Karne Ka Tareeqa
Kabhi kabhaar aisa hota hai keh aap ko apna Facebook ka naam tabdeel
karne ki zaroorat hoti hai. Ho sakta hai aap ne koi naya nickname rakha ho aur
aap Facebook par bhi use likhna chahte hon. Ya phir aap apni privacy ki wajah
se apna asal naam zaahir nahin karna chahte hon.
Is liye aap ko maloom hona chahiye keh Facebook mein naam
kaise tabdeel kiya jata hai. Neeche, tafseel ke sath aap ke liye Facebook mein
naam badalne ka tareeqa Urdu mein mojood hai.
Mobile App Ke Zariye Naam Badalne Ka Tareeqa
Agar aap Facebook ko mobile par chala rahe hain to Facebook
mein naam badalne ka tareeqa yeh ho ga.
Sab se pehle apne mobile mein Facebook ki app ko open karen.
Is ke baad aap dekhen ge keh screen ke uper ya neechay right
side mein teen lines hon gi. In par tap karen. Aap ke saamne Manu open ho ga.
Menu mein neeche ki tarf scroll karen aur "Settings
& Privacy" ka option dhoond kar us per tap karen.
Ab “Settings & Privacy" ke is drop-down menu mein aap
ko "Settings" ka option bhi nazar aye ga. Is par tap karen.
Settings mein aap ko mukhtalif options nazar ayen ge. Yahan
aap "Personal and Account Information" ya sirf "Personal
Information" ka option dhoond kar us per click karen.
Yahan "Personal and Account Information" mein aap
ko "Name", "Email Address" aur "Phone Number"
waghera ke options milen ge. Aap "Name" ke option per tap karen.
Ab aap ko apna "First Name", "Middle
Name" (agar koi ho to) aur "Last Name" ko likhne ke liye fields
nazar ayen gi. Apna naya naam in fields mein likhen.
Naam likhne ke baad neechay "Review Change" ka
button nazar aye ga. Is button par tap karen.
Yahan aap ko Facebook ki tarf aap ka password enter karne ka
kaha jaye ga. Apna Facebook ka password enter karen.
Note: Is ka maqsad yeh hota hai keh is baat ki tasdeeq ho
sake ke aap khud hi apna naam badal rahe hain.
Password enter karne ke baad aap ko "Save Changes"
ka button nazar aye ga. Is par tap karen. Ab Facebook mein aap ka naam badala
ja chukka hai.
Computer Par Facebook Mein Naam Kaise Tabdeel Karen?
Agar aap computer par Facebook istemal karte hain to neeche
diye ge tareeqe se aap apna Facebook ka naam badal sakte hain.
Sab se pehle aap apne computer mein web browser open ko karen
aur phir Facebook ki website per jayen.
Note: Facebook ki website www.facebook.com hai.
Agar aap ne pehle se Facebook ko log in nahin kiya hua to
apna email address ya phone number aur password enter kar ke Facebook ko login
karen.
Aap ko screen ke uper right side par ek chhota sa arrow down
(▾) ka nishan
nazar aye ga. Is nishan par click karen.
Ab aap ke saamne ek drop-down menu open ho ga. Is manu mein
"Settings & Privacy" ka option dhoond kar us per click karen.
"Settings & Privacy" par click karne ke baad
aap ke saamne ek aur manu open ho ga. Is sub-menu mein aap ko
"Settings" ka option nazar aye ga. Is par click karen.
Ab left side mein aap ko mukhtalif options nazar ayen ge. In
mein se "General" per click karen. Ab right side mein aap ko
"Name" ka option nazar aye ga. Is ke sath hi "Edit" ka
button bhi ho ga. Is par click karen.
Ab aap ko apna "First Name", "Middle
Name" (agar koi ho to) aur "Last Name" likhne ke liye fields
nazar ayen gi. Apna naya naam in fields mein likhen.
Naam likhne ke baad neechay "Review Change" ka
button ho ga. Ab is button par click karen.
Facebook aap se apna password enter karne ko kahe ga. Apna
Facebook ka password enter karen.
Password enter karne ke baad aap ko "Save Changes"
ka button nazar aye ga. Is par click karen. Aap ka Facebook ka naam ab tabdeel
ho chuka hai.
Note: Facebook ki taraf se aap ko baar baar apna naam tabdeel karne ki ijazat nahin hai. Ek dafa naam badalne ke baad aap ko dobara naam tabdeel karne ke liye taqreeban 60 din tak intezaar karna par sakta hai.